మరింత ఆసక్తికరంగా పార్ట్‌ 2
ప్రభాస్‌ కటౌట్‌, ఇమేజ్‌కు తగ్గట్టుగా ‘సలార్‌’ సినిమాను డైరెక్టర్‌ ప్రశాంత్‌ నీల్‌ రూపొందించారు. స్టోరీ పరంగా అంతంత మాత్రంగా ఉందంటున్నప్పటికీ ఎలివేషన్స్‌, యాక్షన్‌ సన్నివేశాలు అద్భుతంగా వచ్చాయని ఫ్యాన్స్‌ అభిప్రాయపడున్నారు. దీంతో ఈ సినిమాకు మాస్‌ ప్రేక్షకులు, అభిమానులు ఫిదా అయిపోతున్నారు. ఇంతవరకు ఓకే కానీ కొన్ని విషయాల్లో మాత్రం ప్రశాంత్‌ నీల్‌ మెప్పించలేకపోయారని అని అంటున్నారు. హీరో క్యారెక్టర్‌ గ్రాఫ్‌ సరిగాలేదని, ఇద్దరి మిత్రుల మధ్య స్నేహం, పగ రెండు సరిగా చూపించలేకపోయారంటూ మూవీ లవర్స్‌ అంటున్నారు. ఇక స్టోరీని అయితే కొంచెం గందరగోళంగా నడిపించారని ఇలా చాలా విషయాల్లో కన్ఫ్యూజన్‌లో పెట్టేశారని టాక్‌ వినిపిస్తోంది. అయితే వీటిన్నంటికి సమాధానంగా ‘సలార్‌’ సెకండ్‌ పార్ట్‌ ఉంటుందంటూ విశ్లేషకులు అంచనాలు వేస్తున్నారు. ఇక ఫస్ట్‌ పార్ట్‌లో కనిపించిన జగపతిబాబు పాత్ర కూడా రెండో భాగంలో హైలెట్‌ అయ్యే అవకాశాలు ఉన్నాయట. ఇక ‘శౌర్యాంగ పర్వం’ అంటూ ఆసక్తకిరమై టైటిల్తో సెకండ్‌ పార్ట్‌ను ప్రకటించారు డైరెక్టర్‌. ప్రాణ స్నేహితులు ఎందుకు శత్రువులుగా మారారు అనే విషయంపైనే ఈ స్టోరీ నడవనుందని సమాచారం. దీంతో ‘సలార్‌’ ఫస్ట్‌ పార్ట్‌ కంటే రెండో భాగం ఇంకా బాగుంటుందంటూ విశ్లేషకులు అంటున్నారు. అలా అభిమానుల్లో ఈ పార్ట్‌ 2 మీద భారీ అంచనాలే ఏర్పాడ్డాయి. పేరు కూడా వినేందుకు కొత్తగా ఉన్నందున ఫ్యాన్స్‌ కూడా ఈ సినిమా అఫీషియల్‌ అనౌన్స్‌మెంట్‌ కోసం ఆతృతగా ఎదురు చూస్తున్నారు.
రికార్డు కలెక్షన్స్‌
తాజాగా ‘సలార్‌’ ప్రపంచవ్యాప్తంగా మొదటిరోజు కలెక్షన్స్‌ రూ.175 కోట్లు అని సినీ ట్రేడ్‌ వర్గాలు చెబుతున్నాయి. ఈ చిత్రం అడ్వాన్స్‌ బుకింగ్స్‌ ద్వారానే రూ. 90 కోట్లకు పైగా వసూలు చేసిందని తెలుస్తోంది. ఈ ఏడాదిలో మొదటిరోజు బిగ్గెస్ట్‌ ఓపెనింగ్స్‌ ఇచ్చిన చిత్రంగా ‘సలార్‌’ రికార్డ్‌ క్రియేట్‌ చేసింది. ఇప్పటి వరకు భారత్‌లో మొదటిరోజు అత్యధిక ఓపెనింగ్స్‌ కలెక్షన్స్‌ అందుకున్న చిత్రంగా ‘ఆర్‌ఆర్‌ఆర్‌’ మాత్రమే ఉంది. ఈ సినిమాకు మొదటి రోజు వచ్చిన కలెక్షన్స్‌ రూ.223 కోట్ల రికార్డ్‌ పదిలంగా ఉంది. ఆ తర్వాత కేజీఎఫ్‌-2 రూ.165 కోట్ల రికార్డ్‌ను ‘సలార్‌’ దాటేశారు. దీంతో మొదటిరోజు బిగ్గెస్ట్‌ కలెక్షన్స్‌ సాధించిన చిత్రాల జాబితాలో ‘సలార్‌’ రెండో స్థానానికి చేరుకుంది. ఈ రెండు చిత్రాలు సౌత్‌ ఇండియా నుంచే ఉండటం విశేషం.